ÇАМРĂКРАХ чухне Патăрьелĕн аслă сцени çинче Елена Викторова культура ĕçченĕ куракана хăйĕн янăравлă та чуна тыткăнлакан сассипе мĕн чухлĕ тĕлĕнтермен-ши? Вăл юрăсене пĕччен те шăрантарнă, Патăрьелĕнчи юрăпа ташă халăх ансамблĕнчи хорта та юрланă. 38 çул вăл шăпчăк сассипе куракана тыткăнласа хăйĕн ытамне илнĕ! Саккăрмĕш теçеткене вакланă, Турра çирĕп ĕненсе пурăнакан Елена Егоровна Александр Невский княçе асăнса Патăрьелĕнче лартнă чиркĕве кун сиктермесĕр çỹрет, службăра тăтăшах юрлакансен ушкăнĕпе кĕлĕсем вулать, юрлать. Хисеплĕ те сăпайлă хĕрарăм хальхи вăхăтра Аслă типĕре кĕлĕ çуртне çỹрекенсене хăйĕн илемлĕ сассипе килентерет.