НАРКОТИК сывлăх тĕлĕшĕнчен сывă та тĕреклĕ çынна та ăйĕн серепине çаклатать, ăс-тăн тĕлĕшĕнчен хавшатать, вилĕм патне те илсе çитерме пултарать. Çавăнпа та ырă пурнăçа унпа улăштарни, теветкеленни пысăк хăрушлăхпа çыхăннă. Пăлапуç Пашьелĕнчи ял вулавăшĕнче Пĕтĕм тĕнчери наркомание хирĕç кĕрешмелли куна халалласа йĕркеленĕ мероприятире культура ĕçченĕсем аслă класра вĕренекенсемпе "Пурнăç ырă - кăлăхах ан теветкелен" ("Жизнь прекрасна - не рискуй напрасно") темăпа калаçу йĕркеленĕ. Ял çамрăкĕсемпе "Эпĕ пурнăçа суйласа илетĕп" видеоролик пăхнă, наркотик çитĕнекен ăрушăн, çемье çавăрма хатĕрленекен çамрăксемшĕн, пулас амăшĕсемшĕн мĕнле сиенлĕ пулни пирки калаçнă.