ХАЛЬХИ вăхăтра ялта хĕрỹ ĕççи пырать. Вырмапа пĕрлех фермер хуçалăхĕсенче, уйрăм хушма хуçалăхсенче пахча çимĕç, сухан-севока ана çинчен пуçтарса кĕртеççĕ. Кирек мĕнле ĕçе те техникăпа усă курса пурнăçланăран хăрушсăрлăх йĕркине çирĕп пăхăнасси, инкек-синкекрен асăрханасси тĕп вырăнта пулмалла. Çак кунсенче, акă Нăрваш Шăхалĕнче çул çитмен хĕрача трактор хыçĕнче куçса пыракан барабана сухан-севока тасатма янă чухне аманнă. Халĕ ăна тĕп хулари больницăра сиплеççĕ. Çакнашкал тĕслĕх пирĕн тăрăхра маларахри çулсенче те пулнăччĕ. Çавăнпа та ĕçе йышăнаканăн чăн малтанах çынсене хăрушсăрлăх йĕрки пирки ăнлантармаллах.