Чул хулара "Паттăрлăх триатлонĕ" иртнĕ. Кăçалхипе вăл 33-мĕш хут пулнă. Унта федерацин Атăлçи округĕн тĕрлĕ регионĕнчен профессионалсемпе вăйăсене мала хуракансем хутшăннă. Вĕсен 300 метр шывра ишмелле, 8 километр велосипедпа каймалла, 2,5 километр чупмалла пулнă. "Паттăр" спорт шкулĕн çамрăк спортсменĕсем япăх мар кăтартусем тунă. Самира Салихова 3-мĕш, Азалия Салиховăпа Алсу Кучатова 4-мĕш, Ева Антоновăпа Рамина Купкенова 5-мĕш, Данир Рафиковпа Кира Рубцова 6-мĕш вырăнсенче. Пурне те финишер медалĕсемпе чысланă.