Хăяра шăвармалли усăллă шĕвек хатĕрлеме çур килограмм сухан хуппи, 2 литр шыв кирлĕ.

Сухан хуппине шыва ярса 10 минут вĕретмелле, сивĕтмелле. Тата 3 литр шыв хушмалла. Çак шĕвекпе хăяра кашни кун шăварма юрать. Унсăр пуçне çулçине сирпĕтсен сиенлĕ хурт-кăпшанкă лармасть.

Чăх каяшĕнчен е ĕне тислĕкĕнчен хатĕрленĕ шĕвекпе те шăвармалла. Вĕсем çук пулсан "Кормилец", "Плодородие", "Идеал" удобренисемпе усă курмалла. Анчах вĕсемпе апатлантарнă чухне хăяр çулçине сапса çунтарса ярасран асăрханмалла. Çĕр типĕ пулсан малтан ахаль шывпа шăвармалла, унтан - удобрениллипе.