Патăрьелпе Шăмăршă районĕсен çар комиссариатне хирĕçех вырнаçнă "Первый пенный" магазин умнелле автомашинăсем пăрăннă чухне пĕри те тепри питĕ ерипен, асăрханса çеç пыраççĕ. Унсăрăн майĕ те çук. Мĕншĕн тесен унта кустăрмасăр юлма та, инкек курма та пулать. Лупашкисем "Амур юхан шывĕн хумĕсем" евĕр тарăн тесе хаклас килет. Çуран çỹрекенсен те асăрханулăха çухатмалла мар, такăнасси те пулĕ. Суту-илỹ лавккин кантăк умне патшалăх е муниципалитет округĕ пырса тирпей тумалла-ши? Çавăн пекех кĕнĕ çĕрти картлашкин плиткисем те хăйпăнса пĕтнĕ...

Альбина ЕГОРОВА