АЧА-ПĂЧАНА çитĕнтернĕ чухне çемьере ашшĕ- амăшĕн темĕнле йывăрлăх та сиксе тухма пултарать. Вĕсенчен чи пĕлтерĕшли - пепкене вăхăтлăха никампа та хăварма май пулманни. Ытларах йывăрлăх юнашар асанне-кукамай çуккисене пырса тивет. Хальхи вăхăтра Патăрьелĕнчи халăха социаллă хỹтлĕх паракан центрта вăхăтлăх çак ыйтăва татса памалли май пурри варра амăшĕсемшĕн чăн-чăн çăмăллăх. Кунта "Пĕр сехетлĕхе няня" ("Няня на час") пỹлĕм ĕçлет. Шăпăрлансене вăхăтлăха йышăнса юлма мĕн пур услови çителĕклĕ, ятарлă программăпа вĕреннĕ специалистсем пĕчĕксерсене кĕске вăхăт хушшинче выляттарма та, ăс-тăн тĕлĕшĕнчен аталантарма та пултараççĕ. Чи кирли - çул çитмен пепке шанчăклă алăра юлнăран амăшĕ те пăшăрханмасть. Ун пек ачасене хăйсем тĕллĕн хăварни вара пысăк теветкеллĕхпе çыхăннă. Ку таранччен специалистсем 3-7 çулсенчи 12 пепкене пĕрер сехет няня вырĕнче пăхса панă.