Волгоград хулинче триатлон енĕпе ачасен лигин Пĕтĕм Раççейри ăмăртăвĕ иртнĕ. Унта Мускавран пуçласа Владивосток таранччен командăсем тăратнă, 15 регион спортсменĕ хутшăннă. Патăрьелĕнчи спорт шкулĕнчен 12 çамрăк çула тухнă. Вĕсем тивĕçлипе ăмăртнă. Умма лартнă тĕллевĕсене пурнăçланă. Карина Ежова виççĕмĕш вырăншăн пăхăр кубока тивĕçнĕ. Самира Янешева, Самина Мухаметзянова, Алсу Кучатова, Самира Салихова, Карим Камалдинов, Исмаиль Янтыков, Елизавета Матвеева, Тимур Налиба, Мария Викторова, Анна Заббарова, Сабиль Салихов та лайăх ăмăртнă, финишер медалĕсене, Раççейри триатлон федерацийĕн парнисене тивĕçнĕ.

 Светлана Рубцовăпа Валерий Платонов тренерсем, ачасен ашшĕ-амăшĕ питĕ кăмăллă çакăншăн.