Патăрьел муниципалитет округĕнче "Çурт-йĕр тата хула хăтлăхĕ" наци проекчĕн "Таса шыв" федераци проекчĕпе килĕшỹллĕн республикăри кăнтăр округĕсене шывпа тивĕçтерекен 8-мĕш комплекса тума пуçланă. Планпа 14 çухрăм пăрăх хумалла, икĕ резервуарлă насос станцийĕтумалла.

Объекта хута ярассишĕн ПМК-8 организаци тăрăшать, кунта 30 çын вăй хурать, 6 техникăна явăçтарнă. Ĕçе ноябрь уйăхĕнче вĕçлемелле.

 Çакна та палăртса хăвармалла: кăнтăр округсене таса шывпа тивĕçтерме 305,8 çухрăм тăсăлакан 11 комплекса, шыв пухакан комплекссене тата шыв тасатакан хатĕрсене ĕçе кĕртмелле. Вĕсене туса пĕтерсен Шăмăршă тăрăхĕнчен килекен шывпа 90 ялта пурăнакан 40 пин ытла çын усă курма пуçлĕ.

Паяна 190,4 çухрăма тăсăлакан 6 комплекс тата шыва пухса тасатакан комплекссем ĕçе хатĕр. Кăçал тата иккĕшне тумалла.

Патăрьелĕн хĕвел тухăç пайне, Шăнкăртам, Кивĕ Ахпỹрт, Вăтаел ялĕсенчи халăха - пурĕ 142 çухрăм - шывпа тивĕçтерме май паракан проекта та хатĕрленĕ.

Ольга ПАВЛОВА