АПРЕЛĔН 28-мĕшĕнчен пуçласа майăн 1-мĕшĕччен, майăн 9-12-мĕшĕсенче канмалли кунсем пулаççĕ. Вăрмана канма каяс текенсем те пур паллах. Йывăçсем патĕнче кăвайт чĕртес умĕн çак утăма тăвиччен тĕплĕ шухăшлама тивет. Апрелĕн 10-мĕшĕнче республикăра пушар хăрушсăрлăхĕн ятарлă режимне çирĕплетнĕ, çакă инкекрен сыхланас, çут çанталăк "ỹпкине" упрас тĕлĕшпе çыхăннă. Йĕркене пăсакансене пуçран шăлмаççĕ. Иртнĕ канмалли кунсенче Атăл леш енне канма каçса какай ăшалама шут тытнисене ятарлă патруль саккунпа килĕшỹллĕн штрафланă. Çемьен 40 пин тенкĕлĕх тăкакланма тивнĕ.