Раççей Федерацийĕнчи Çемье çулталăкне халалласа республикăра "Методика пухмачĕ-2024" конкурс иртнĕ. Ăна вĕрентỹ организацийĕсемпе педагогика пĕрлешĕвĕсен малта пыракан ĕçне сарас, пĕр-пĕрин опытне вĕренес тĕллевпе йĕркеленĕ.

Конкурса республикăри 26 муниципалитет округĕнчи вĕрентỹ организацийĕсенчи 250 педагог ĕç тăратнă. Патăрьелĕнчи агропромышленность техникумĕнчи Галина Полякова та айкккинче юлман. Вăл тупăшăва "Çамрăклăх - ăсталăх, пĕлỹлĕх" номинаципе хутшăннă, мала тухнă. Çакă агропромышленность техникумĕнче ăста кадрсем ĕçленине, вĕсем вĕрентỹ организацийĕн чысне çĕклеме пултарнине тепĕр хут çирĕплетсе панă.

 Конкурса тăратнă ĕçсене Чăваш Республикин вĕрентỹ институчĕн сайчĕн "Педагогика пухмачĕ" пайне вырнаçтараççĕ.

Альбина КАПИТОНОВА