Ульяновск облаçĕнче "Зилант" спорт клубăн парнисене çĕнсе илессишĕн регионсем хушшинчи кĕрешỹ турнирĕ иртнĕ. Унта Хусан, Пăва, Лаишево, Нурлат, Ульяновск хулисенчен, Чăваш Енпе Мари Эл Республикисенчен 100 ытла спортсмен хутшăннă.

Пирĕн муниципалитет округĕн воспитанникĕсем - Алимхан Тухфетулловпа (25 килограмлă виçерисемпе), Ильшат Купкенов (55) пĕрремĕш, Расиль Шарафутдинов виççĕмĕш вырăнсене йышăннă.

Спортсменсене çула тухма Чăваш Республикинчи корэш федерацийĕн председателĕ Ферид Чабатов пулăшнă. Çамрăксемпе тренировкăсене Эльфис Мтиев ирттерет.