Патăрьелĕнчи Ленин урамĕ тирпей-илемпе куçа илĕртет. Çỹп-çап тăкакан ешчĕксене те пушатсах тăраççĕ. Анчах тĕп урамран кассене пăрăнсан (Мичурин, Садовый, Комаров урамĕсем) кăмăл хуçăлать. Кунти контейнерсем туллиех (сăн ỹкерчĕксене 2024 çулхи апрелĕн 11-мĕшĕнче тунă). Вăл кăна мар, айккисене те тĕркемсене купаласа хунă. Кивĕ сĕтел-пукан, хăрнă турат та вырăн тупнă унта.

Укçи-тенкине вăхăтра тỹлетпĕр пулсан мĕншĕн çỹп-çапа вăхăтра турттарса каймалла мар? Халĕ тата çанталăк ăшăтса пынă май унта шăна-пăван та сĕрлеме пикенĕ. Яваплă организацин кун пирки пĕтĕмлетỹсем тумаллах.

Альбина ИВАНОВА