МАРТ уйăхĕ те шарт! тутарма, сивĕпе хăратма та пултарать-ха. Çапах та урамра хĕл хăйĕн вырăнне çуркуннене пушатса пани сисĕнет. Сисмесĕрех акă, шыв-шур та шанкăртатма пуçлĕ, юханшывсем те тулĕç... Иртнĕ эрнере муниципалитет округĕнчи çул-йĕре пăхса тăракан службăсем шыв пăрăхĕсене, унăн çулĕсене уçрĕç-ха. Вырăнти территори пайĕсенче те çуркунне шыв сарăлнă вăхăтра хăрушсăрлăха пăхăнмалли йĕркесем пирки манмалла мар. Ура айне шыв килсен çеç пăтăрмаха парăнтарма кая та юлма пулать. Çурхи пулăм никамшăн та инкек-синкекпе ан çыхăнтăр тесен яваплă службăсен те çак ыйтупа кашни кунах тимлемелле