ПАТĂРЬЕЛĔНЧИ централизациленĕ клуб системинчи кино курмалли "КиноБатыр" хăтлă залра мартăн 14-мĕшĕнче "Позывной "Пассажир" художествăлла фильма кăтартма пикеннĕ. Унта вĕренекенсем Пушкин карттипе те кĕме пултараççĕ. Сăмах май каласан, хальхи вăхăтра çак фильма çĕршывĕпех пăхаççĕ, пахалаççĕ. Кунти ĕç-пуç 2015 çулта пулса иртнĕ. Çĕршывăн тĕп хулинче хăтлă заведенисенче савăнса пурăнакан Николай Рябинин çамрăк писатель çĕршывра мĕн пулса иртнипе те кăсăклансах кайман. Пиччĕшĕпе те хирĕçсе çыхăнăвне татнă. Ашшĕ-амăшĕнчен вăл Донбассра хыпарсăр çухалнă текен хыпар вара ăна пĕтĕмпех улăштарать...