ЮХМАПА ПĂЛА тăрăхĕнче спорт ветеранĕсен, уйрăм хастарсен ячĕпе тĕрлĕрен турнир ирттересси ырă йăлара. Халĕ, акă, иртнĕ çултанпа ялсенче Украинăри ятарлă çар операцийĕнче пуç хунă паттăрсене асăнса спорт мероприятийĕсем йĕркелеме пуçларĕç. Алманчăри пĕтĕмĕшле пĕлỹ паракан тĕп шкулта та пĕлтĕр Тăван çĕршыв хỹтĕлевçисен кунĕнче Николай Сымовпа Алексей Михеев паттăрсен ячĕпе мини-футбол ирттернĕччĕ. Питĕ хастарлăхпа, 9 ялтан 11 команда хутшăннăччĕ турнира.

Ырă йăлана малалла тăсса кăçал та февралĕн 23-мĕшĕнче çав футбол уйĕнчех турнир йĕркелеме палăртаççĕ. Ăмăрту 9 сехетре пуçланать. Алманчăсем пурне те турнира хапăл тăваççĕ.