РЕСПУБЛИКĂРА массăллă спорта аталантарас, çынсен ытларах пайне физкультурăпа спорта явăçтарса сывлăхне çирĕплетес, çав вăхăтрах ГТО нормативĕсен кăтартăвне лайăхлатас, пултаруллă спортсменсене, уйрăм çемьесене палăртас тĕллевпе хĕллехи спорт фестивальне ирттерме палăртнă. Ăна икĕ тапхăрпа йĕркелеççĕ. Чăн малтанах вăл февралĕн 1 - 11-мĕшĕсенче хуласемпе муниципалитет округĕсенче иртĕ. Иккĕмĕш тапхăрне вара çĕнтерỹçĕсем хутшăнса муниципалитет округĕн чысне хỹтĕлĕç. ГТОн хĕллехи нормативне тултарма хутшăнакан Юхма Ен спортсменĕсем те регион шайĕнчи фестивале пысăк хастарлăхпа хутшăнĕç, хăйсен пултарулăхне кăтартĕç. Спорт фестивалĕн иккĕмĕш тапхăрĕ февралĕн 17-мĕшĕнче Красноармейскинчи спорт комплексĕнче иртет.