Декабрĕн 10-мĕшĕнче Патăрьел муниципалитет округĕнче Таджикистан Республикинчи Согди облаçĕнчи культура управленийĕн начальникĕ Бахтиер Косимов ертсе пыракан делегаци пулнă. Ĕçлĕ тĕл пулу тĕллевĕ - культура сферинчи ĕç опычĕпе паллашасси.

Таджикистан Республикин делегацийĕ Патăрьел муниципалитет округĕн пуçлăхĕпе Рудольф Селивановпа тĕл пулнă, Турханти А. Кокель музей-çуртне çитсе курнă, ялти культура çуртĕнче йĕркеленĕ ỹкерчĕксен галерейипе, Патăрьелĕнчи централизациленĕ библиотекăн, çамрăксен "Сэлт-Батыр" центрăн, Алманчăри краеведени музейĕн ĕç опычĕпе паллашнă.

Альбина НИКОЛАЕВА