Чăваш Енре пурăнакансем - Чăваш Ен çар комиссариатĕнче контракт çырса е хăйсен ирĕкĕпе 2023 çулхи сентябрĕн 1-мĕшĕнчен пуçласа ятарлă çар операцине хутшăнма тухса кайнисем - 150 пин тенкĕпе танлашакан пĕр хутчен паракан укçа тỹлевне тивĕçеççĕ.

Кун пирки калакан документа Чăваш Ен Пуçлăхĕ Олег Николаев алă пусса çирĕплетнĕ. Çак йышăну ятарлă çар операцине хутшăнакансене тата вĕсен çемйисене пулăшмалли черетлĕ утăм пулса тăрать. Чăваш Ен Ĕç министерстви ку тỹлевпе заявлени çырмасăрах тивĕçтерет. Тỹлеве Чăваш Ен çар комиссариатĕнчи списокпа килĕшỹллĕн куçарса параççĕ.