УРАМРА çанталăк хура кĕр енне сулăнни аванах сисĕнме пуçларĕ. Йывăçсем ылтăн тумне улăштарчĕç, час-часах янкăр тỹпене хура пĕлĕтсем хупăрласа илеççĕ... Патăрьел муниципалитет округĕнчи организаци-предприятире, учрежденисенче, çавăн пекех уйрăм кил-çуртра пурăнакансемшĕн пĕр-икĕ эрне каяллах кĕркуннехи-хĕллехи хутмалли тапхăр пуçланчĕ. Çавăнпа та çывхарса килекен хĕл кунĕсене пăтăрмахсăр, хăрушсăрлăх йĕркине пăхăнса ирттерсе ярасси кашнийĕн тĕп тĕллев пулмалла. Чи малтанах кил-çурта ăшăтас тĕллевпе электрокăмакапа усă куракансен уйрăмах асăрхануллă пулмалла. Унта-кунта тухнă чухне ăна тимлĕхсĕр хăвармалла мар. Кил-çуртра пĕчĕк ачасем пулсан пушшех кăмака мĕнле ĕçленине пăхсах тăмалла.

Çанталăк улшăннă вăхăтра çулсеренех мунча хутнă чухне асăрханулăх çитменрен е ăна ытла хĕртсе янăран пушар тухнă тĕслĕхсем пулаççĕ. Вут-кăварпа çыхăннă инкек чылай чухне хуçасенченех килет. Хутмалли тапхăр никамшăн та пушар сăлтавĕ ан пултăр.