"ЭКОЛОГИ" наци тата "Вăрмана сыхлар" федераци проекчĕсемпе килĕшỹллĕн иртнĕ эрнере Çĕнĕ Ахпỹртре ял хастарĕсем, фермер хуçалăхĕсем, культура ĕçченĕсем кар тăнипе яла пырса кĕнĕ вырăнти çырмара 120 тĕп хыр йывăçне лартса хăварнă. Пархатарлă ĕçе çак эрнере малалла тăснă. Территори пайĕн пуçлăхĕ Станислав Никитин хаçат редакцине пĕлтернĕ тăрăх, çак эрнере шкул ачисемпе педагогсен, старостăсен, ял хастарĕсен вăйĕпе йывăçсем лартнă. Çывхарса килекен Экологи çулталăкне çак ялсем пысăк кăмăлпа кĕтсе илме хатĕрленеççĕ.