Триатлон спортне аталантарас, çак енĕпе çамрăк спортсменсен пултарулăхне палăртас, сывă пурнăç йĕркине тытса пыма явăçтарас тĕлĕшпе Патăрьелĕнчи "Паттăр" стадионта муниципалитетри триатлон спорчĕн федерацийĕн председателĕн, районти депутатсен Пухăвĕн депутачĕн Валерий Рубцовăн парнисене çĕнсе илессишĕн йăлана кĕнĕ уçă ăмăрту иртнĕ.

Тупăшăва хутшăнакансене Патăрьел муниципалитет округĕн пуçлăхĕ Рудольф Селиванов, округри триатлон спорчĕн федерацийĕн председателĕ Валерий Рубцов, спортшкул директорĕ Анатолий Афанасьев саламланă.

Ăмăртăва Патăрьел тата Шăмăршă округĕсен, Шупашкар тата Çĕнĕ Шупашкар хулисен 100 ытла çамрăкĕ явăçнă.