Сентябрĕн 29-мĕшĕнче Патăрьел муниципалитет округĕн пуçлăхĕ Рудольф Селиванов пулас агропромышленность паркĕнче строительство ĕçĕсем мĕнле пынипе паллашнă.

"Батыревский" индустри паркĕ Ыхра Çырми территори пайĕнче пулать. Ĕçлĕ çул çỹревре Рудольф Селиванов "СпецСтройСервис" пĕрлешỹ ертỹçипе Ильнур Заббаровпа тĕл пулнă.

20 гектар йышăнакан паркра нумай отрасльлĕ центрта производствăпа коммерци объекчĕсем вырнаçаççĕ: промышленность лапамĕсем, складсем, сивĕтекен камерăсем... Хальхи вăхăтра газ, шыв, канализаци пăрăхĕсене, электричество çыхăнăвĕсене тăснă. Çавăн пекех урамри электроçутă та пур. Çул тăвасси те вĕçленсе пырать.

 (Хамăр корр.)