АСЛĂ ЧЕМЕН территори пайĕнчи "Чемен" ыр кăмăллăх фончĕн тĕп тĕллевĕсенчен пĕри тăлăх, йывăр шăпаллă ачасене, вĕренỹре, спортра, общество пурнăçĕнчи хастар маттурсене укçа-тенкĕпе хавхалантарасси, пулăшасси.

Коммерцилле мар организаци представителĕсем кăçалхи Пĕлỹ кунĕнче Аслă Чементи вăтам шкулта тăххăрмĕш класра вĕренекен икĕ хастара - Ангелина Макаровăпа Маргарита Кошелевăна - свидетельствăсем панă. Педагогсен канашĕн йышăнăвĕпе килĕшỹллĕн хĕрачасене кăçалхи вĕренỹ çулĕнче асăннă фонд шутĕнчен кашни уйăхрах 500-шер тенкĕ стипенди парса тăрĕç. Чиперккесем сентябрĕн "шалăвне" çак кунсенчех алла илĕç.