КУ ЧУХНЕХИ Интернет ĕмĕрĕнче çĕнĕ хыпар-хăнар çиçĕмле хăвăртлăхпа тĕнчипех саланать. Çапах та муниципалитет округĕнче пулса иртекен ĕçсем, социаллă пĕлтерĕшлĕ темăсемпе çырнă информацисем, фоторепортажсем, интервьюсем Юхмапа Пăла тăрăхĕнче тухса тăракан "Авангард" хаçатра çеç пичетленеççĕ. Хисеплĕ вулаканăмăрсем патне эрнере икĕ хутчен саланаканскере паянхи кун тăватă пине яхăн çын чăтăмсăррăн кĕтет.

Тутар Сăкăт ялĕнче те райхаçатăн тусĕсем сахал мар. Вăл тата ытларах та пулма май пур. Анчах та ялта почтальонка çитменрен çĕнĕ касра пурăнакансем çĕнĕ хыпарсемпе паллашаймаççĕ, чун "апатне" çырăнаймаççĕ. Шел пулин те, паянхи кун ытти хăш-пĕр ялта та хаçат валеçекенсем пулманран ăна вăхăтра алла илсе вулайманнишĕн пăшăрханаççĕ.