ÇАК кунсенче Патăрьелĕнчи тĕп урамра, ял варринче пурăнакан хĕрарăм хаçат редакцине пăшăрханса та тарăхса шăнкăравларĕ. Вĕсем урамра çапкаланса çỹрекен йытăсен мăшкăлĕ пулнă-мĕн. Усал анчăксем кил хуçисен хăш-пĕр чăх-чĕпне тустарса тытнă, çисе янă, хăшĕсене йăтсах кайнă... Кукăр хỹресем кăнтăрла та, каçхине те ушкăнпах çỹренине пĕлтерчĕ шар курнă хĕрарăм.

Тепĕр темиçе кунтанах шкул ачисемшĕн çĕнĕ вĕренỹ çулталăкĕ пуçланать. Урамра ирĕкре çỹрекен йытăсем выльăх-чĕрлĕх, кайăк-кĕшĕкшĕн çеç мар, ачасемшĕн те пысăк хăрушлăх кăларса тăратнине те пĕлтерчĕ вăл.