ПУРНĂÇРА кирек мĕнле ăнсăртлăх та ытларах хамăртан килет. Çул çинчи куçăма йĕркелесси те çавах. Руль умĕнчи кашни водитель çул-йĕр правилине çирĕп пăхăнни яланах пĕлтерĕшлĕ. РФ ШĔМĕн муниципалитетсем хушшинчи "Батыревский" уйрăмĕн ГИБДД пайĕн начальникĕ Алексей Мальцев хаçат редакцине пĕлтернĕ тăрăх çичĕ уйăхра 19 аварие (пĕлтĕр 17 пулнă) шута илнĕ. Çул çинче сиксе тухнă инкекре пĕр çыннăн пурнăçĕ татăлнă, 30ăн аманнă.

Çак тапхăрта руль умне ỹсĕр ларакансен йышĕ ỹсни уйрăмах пăшăрхантарать. Пĕлтĕрхи çичĕ уйăхра тăватă çынна çак сăлтавпа айăпланă пулсан, кăçал 7 водитель çул-йĕр инспекторĕсен аллине ỹсĕр çакланнă. Юрать-ха, çакăн пек лару-тăрура пысăк инкек туса хуман...