ХАÇАТĂН иртнĕ номерĕнче "Шкула хатĕрленетпĕр" акци пуçланнă пирки пĕлтернĕччĕ. Пĕлỹ кунне хатĕрленсе Запорожье облаçĕнчи Бердянски районĕнчи ачасене шкула кайма кирлĕ хатĕрпе, япалапа пулăшакан малтанхи хастарсенчен пĕри - Леонид Шашкин предприниматель. "Пирĕн хушăмăрта ют ачасем çук. Шкула кайма çул çитнĕ кашни ача тивĕçлĕ пĕлỹ илме пултартăр", - тет вăл ыр кăмăллăх акцине хутшăннă май. Пурнăçри сăваплă ĕç темиçе хутчен те ырăпа таврăнать теççĕ. Çак предпринимателĕн те ырă утăмĕ ыттисемшĕн пархатарлă тĕслĕх пултăр.

Сăмах май каласан, Патăрьел муниципалитет округĕнчи вĕренỹ учрежденийĕнчи столовăйсем çĕнĕ вĕренỹ çулне хатĕрленнине ятарлă комисси тĕрĕслесе тухнă.