Çырлине пухса илнĕ хыççăн хура тата йĕплĕ хурлăхан тĕммисене тутлăхлă япаласемпе тивĕçтермелле.

Йĕплĕ хурлăханшăн суперфосфат аван: кашни тĕмме 1-2 апат кашăкĕ кирлĕ. Удобрение 10 сантиметр тарăнăшне хывмалла. Çапла майпа апатлантарни йĕплĕ хурлăхана кăмпа чирĕсемпе кĕрешме, сивве чăтăмлă пулма пулăшать. Çавăн пекех кали сульфачĕпе (1 тăваткал метра 15-20 грамм) усă курма юрать.

 Хура хурлăханшăн кали тата фосфор пысăк пĕлтерĕшлĕ, вĕсем тымара çирĕплетеççĕ, сивве чăтăмлă тăваççĕ. Сентябрь уйăхĕн варринче апатлантарсан аван. Тăпрапа хутăштарса кайăк-кĕшĕк тислĕкĕ (1 тăваткал метра 0,8 килограмм) хывмалла е 1:15 виçепе шывпа хутăштарса сапмалла. Октябрьте тĕм айне çур витре тислĕк тăкма юрать.