ПАТĂРЬЕЛĔНЧЕ çеç мар, ытти ялта та уйрăмах урама каç сĕмĕ çапсан унта та кунта мотоциклсем кĕрлеттерсе çеç çỹренине асăрхама пулать. Вĕсем тĕлли-паллисĕр унталла та кунталла ярăнса çỹреççĕ, хăшĕ-пĕри пуçне каска та тăхăнман. Руль умне ларса пыракан хыçне иккĕн-виççĕн чышăнни те пулать. Ытларах çул çитмен ачасем çапла ашкăнма, теветкеленме пăхаççĕ. Çуллахи каникул тапхăрĕ вĕçлениччен тепĕр уйăх. Ашшĕ-амăшĕн водитель правине илмен ачисене çавăн пек ашкăнасран асăрхасах тăмалла. Инкек куçа курăнса килмест.
Август 2026 |
