Июль уйăхĕнче пахча çимĕçе çакăн пек мелсемпе апатлантармалла.

Помидора суперфосфатпа е кỹкĕрт (сера) йỹçĕклĕ калипе апатлантармалла. 10 литр шыва кашни препарата 20-шер грамм ямалла. Кашни тĕме 1,5-2 литр сапмалла. Хăяра нитрофоскăпа (10 литр шыва 1 апат кашăкĕ) е вĕлтĕрен, армути шывĕпе сапмалла. Ỹсен-тăрана сапиччен курăк шĕвекне сулхăнра 7 кун лартмалла.

Хăяршăн çавăн пекех кĕл шывĕ те усăллă.

Çĕр улми валли çакăн пек хутăш хатĕрлемелле: 10 литр шывра 1 апат кашăкĕ суперфосфат тата 600 грамм кĕл ирĕлтермелле.

 Кишĕре çак вăхăтра кĕл кирлĕ. Ăна йăран çине сапса тухмалла. Е нитроаммофоскăпа (10 литр шыва 40 грамм) апатлантармалла.