МУСКАВРИ "Ватлăх савăнăç кỹтĕр" ыр кăмăллăх фончĕ "Неотложка" проектпа килĕшỹллĕн Патăрьел муниципалитет округĕнче пĕччен пурăнакан тата сывлăх тĕлĕшĕнчен хавшак çынсене валли апат-çимĕç тултарнă 16 пакет парса янă. Макарон, тип çу, пахча çимĕç, аш-какай тата пулă консервисем, чей, кофе, çăратнă сĕтпе пылак çимĕç чикнĕ хутаçа халăха социаллă пулăшупа тивĕçтерекен Патăрьелĕнчи центрăн специалисчĕсем тимлĕх кирлисем патне çитернĕ те ĕнтĕ. Кзыл Чишмара пурăнакан Рафик Садретдинов та кучченеçлĕ пулнă. Хăйне çакăн пек парне панăшăн вăл чун-чĕререн хĕпĕртенине палăртнă май куçĕ те шывланнă, фонда тав тунă.