ЮЛАШКИ вăхăтра МИХче "Мистр Сидр" суррогат алкоголь шĕвекне пула çынсен пурнăçĕ татăлнă, унпа наркăмăшланнă тĕслĕхсем пирки сахал мар çыраççĕ. Ăна пирĕн республикăна официаллă майпа илсе килмен пулсан та йĕрке хуралçисем суту-илỹ вырăнĕсене тĕрĕслесех тăраççĕ. Ку таранччен тĕрĕслев вăхăтĕнче Шупашкарта, Улатăрта, Çĕмĕрлере шĕвеке сутнине тупса палăртнине те çырчĕç. Усалăн ури саккăр теççĕ. Çавăнпа та сирĕн алла наркăмăшлă алкоголь шĕвекĕ ан лектĕр тесен питĕ асăрхануллă пулмалла, пĕли-пĕлми, сывлăха уйрăмах хавшатакан эрехе ĕçмелле мар.