ÇУЛЛАХИ каникул вăхăчĕ кашни ача-пăчашăн тилмĕрсе кĕтекен савăнăçлă вăхăт. Виçĕ уйăхра выляса канма та, ăс-тăн тĕлĕшĕнчен аталанма та, çан-çурăма спортпа тĕреклетме те вăхăчĕ çителĕклĕ. Çак тапхăртах çул çитмен ачасемшĕн йĕркене çирĕп пăхăнмалли сăлтавсем те пур. Водолазсем тĕрĕслемен кỹлĕре шыва кĕрессинчен асăрханнипе пĕрлех вут-кăвар тухасран сыхланмалли йĕркене те çирĕп пăхăнмалла, шăрпăкпа ашкăнмалла мар.

Чăваш Республикин саккунĕпе килĕшỹллĕн çул çитмен ачасен çуллахи вăхăтра каçхине 23 сехетрен пуçласа ирхине 6 сехетчен урамра аслисемсĕр пулни те çирĕплетнĕ йĕркене пăхăнманнипе çыхăнать. Çакăншăн вара ачан ашшĕ-амăшĕ явап тытать.