КĂÇАЛХИ февралĕн 23-мĕшĕнче Алманчăра Украинăри ятарлă çар операцинче пуç хунă ентеш, Паттăрлăх орденĕн кавалерĕ Николай Сымов ячĕпе тăван ялта мини-футболла выляссипе пысăк ăмăрту иртрĕ. Тĕрлĕ шкултан 11 команда хутшăнчĕ ун чухне вăййа. Вăл питĕ хĕрỹ те кăсăклă иртрĕ. Июнĕн 15-мĕшĕнче вара Николай Викторовича чыс тата хисеп туса, унăн паттăрлăхне асра тытса шкул ачисем хушшинче шахмат турнирне йĕркелеме палăртнă. Çак ăмăртăва та Алманчăсем çеç мар, ыттисем те кар тăрса хутшăнма пултараççĕ.
Август 2026 |
