Сăртлă-туллă вырăнта чупас енĕпе Раççей чемпионачĕ вĕçленнĕ. Ăмăртусем Мари Эл Республикинчи Куяр поселокĕнче иртнĕ. Унта Раççей Федерацийĕн 24 субъектĕнчи 100 ытла спортсмен явăçнă. Чăваш Ен чысне хỹтĕлекенсем те лайăх ăмăртнă. Ачасемпе çамрăксен спорт шкулĕпе "Паттăр" ФСКа воспитанникĕсем çăмăл атлетикăпа хутшăннă.

Пăлапуç Пашьелĕнчи вăтам шкулта вĕреннĕ Николай Соколов (Сител ялĕ), Первомайскинчи Михаил Киргизов иккĕмĕш вырăнсемпе савăнтарнă. Вĕсен çитĕнĕвĕнче Михаил Прокопьевпа Лев Никитин тренерсен тỹпи пысăк.

Альбина ИВАНОВА