ÇАК кунсенче Чулхулара регионсем хушшинчи "По тылам фронтов" топографи вăййин финалĕ иртнĕ. Унта Раççей Федерацийĕнчи субъектсен çĕнтерỹçисем хутшăннă. Вăл шутра Мускав хули, Краснодар, Пермь крайĕсем, Кабардин Балкар Республики, Владимир облаçĕ тата Чăваш Республики.

Çак хĕрỹ тупăшура Тутар Сăкăтĕнчи вăтам шкулти историпе обществознани вĕрентекенĕ, шырав отрячĕн ертỹçи Гузелия Сабитова ертсе пыракан "Эзтабар" ("Шыравçăсем") команда пиллĕкмĕш вырăн йышăннă. Çĕршыв шайĕнче палăрнă хастарсемшĕн савăнма сăлтавĕ пысăк. Шырав отрядне малашне те ăнăçу сунатпăр.