ХАÇАТ редакцине вулакансенчен çакнашкал хыпар çитрĕ. Пĕр палламан кăвак автомашинăллă арçын хăйне киленме хĕрарăм шырать-мĕн. Урамра иртсе пыракан хĕрарăмсене те, чиперккесене те чарса калаçтарать. Пĕрре те вăтанса та, именсе те, хăраса та тăмасть, ырă та ăшă сăмахсем каласа илĕртет. Çак кунсенче ача амăшĕсем ырă мар шухăшлă çын çул çитмен хĕрачасене çапла майпа илĕртсе автомашина çине ларма ыйтнине пĕлтерчĕç. Пуçтах арçын усал шухăшпа çынсен çумне çулăхса çỹренине асăрхасанах округри полици уйрăмĕн дежурнăй пайне 6-14-92 е 6-10-02 телефонсемпе шăнкăравласа ярăр.