Сителсем ял хастарĕ Юрий Степанов ертсе пынипе масар çинче часовня çĕклерĕç, сыв пуллашмалли лапам турĕç. Сăваплă ĕçе ял-йыш кăна мар, çĕршывăн тĕрлĕ кĕтесĕнче пурăнакан ентешсем те хастар хутшăнчĕç, май çитнĕ таран укçа-тенкĕпе пулăшрĕç. Çак кунсенче вара Иоанн Богослов турăшĕ ячĕллĕ Сител чиркĕвĕн настоятелĕ Александр атте туса пĕтернĕ объектсене сăвапларĕ.
Çавăн пекех кану кунĕсенче ял-йыш масара тирпейлесе тасатас тĕллевпе субботник йĕркелерĕ.
Ирина ЛЯКОВА
Август 2026 |
