Унăн тĕп тĕллевĕ - экологи лару-тăрăвне лайăхлатасси. Патăрьел муниципалитет округĕ те çĕршыв шайĕнчи субботника хутшăнчĕ. "Юбилейный" скверта, Патăрьелĕнчи Кепе юхан шыв лапамĕнче, Хирти Пикшикри Фирдус Камалетдинов урамĕнчи скверта, Шăнкăртамри "Халăхсен туслăхĕ" паркĕнче, Сăкăтри скверта тирпей-илем тĕлĕшпе пысăк ĕç туса ирттерчĕç.

Массăллă субботникре муниципалитет округĕн пуçлăхĕ Рудольф Селиванов та администраци коллективĕпе пĕрлех хутшăнчĕ, организаци-предприяти коллективĕсем те хастарлăх кăтартрĕç, типнĕ курăка, çỹп-çапа пуçтарчĕç, тротуарсене тасатрĕç тата ытти те.

(Хамăр корр.).