Ку сăн ỹкерчĕксене Кзыл Чишмара пурăнакансем ярса пачĕç. Василий Чапаев тата Шакир Рахимов урамĕсенчи пушă çуртсем ялти çынсене питĕ пăшăрхантараççĕ. Çынран çỹллĕрех ỹссе кайнă хыт-хура, паян-ыран ишĕлес пек ларакан пỹртсемпе хуралтăсем чăннипех те шиклентереççĕ. Ача-пăча та çавăн пек çĕрте выляма юратать, кун пек чухне инкек курасси те инçе мар.

Пушă çуртсен ыйтăвне хускатсан хаçат вулакансенчен пĕри: "Çуртĕнче никам пурăнмасан та хыçалти çĕр лаптăкĕсемпе усă куракансем пур. Мĕншĕн вĕсен хуçалăх умне те тирпейлесе тăмалла мар? - тенĕччĕ. Çак шухăша тĕпе хурсан та аванччĕ.