ПАТĂРЬЕЛ муниципалитет округĕн администрацийĕн структура подразделенийĕсен иртнĕ канашлăвĕнче вĕрентỹ, çамрăксен политики, физкультура тата спорт управленийĕн начальникĕ Ирина Рубцова апрелĕн 1-мĕшĕнчен ачасене пĕрремĕш класа яма хатĕрленекен ашшĕ-амăшĕнчен заявлени йышăнмалли тапхăр старт илнине пĕлтернĕ.

Апрелĕн 1-мĕшĕнченех 18 çул тултарнă яшсемшĕн те яваплă тапхăр, çуркуннехи призыв кампанийĕ пуçланчĕ. Салтак тивĕçне пурнăçлакан каччăсене ялсенче те, çар комиссариатĕнче те ырă йăла-йĕркепе ăсатĕç, пурне те сĕт çулĕпе кайса çу çулĕпе килме ырă сунĕç.