Мартăн 27-мĕшĕнчен пуçласа майăн 9-мĕшĕччен Патăрьел муниципалитет округĕн харпăрлăхĕ шутланакан вырăнти çулсене ванса çĕмĕрĕлесрен сыхлас тĕлĕшпе йывăр тиевлĕ транспортсене çỹреме чараççĕ.

Хăш-пĕр транспорта вăхăтлăх чару пырса тивмест:

- пĕтĕм тĕнчери тиевсене турттараканнисене;

- пассажир турттаракан, вăл шутра пĕтĕм тĕнчери автобуссене;

- апат-çимĕç, выльăхсене валли апат, хушма апат, эмел препарачĕсем, çунтармалли-сĕрмелли материал, вăрлăх, удобрени, почта тиевĕсем турттараканнисене;

 - çут çанталăк инкекĕсене тата ытти чрезвычайлă лару-тăрăва парăнтарма хутшăнаканнисене;

- авариллĕ лару-тăру хыççăн тата юсав ĕçĕсене ирттерме çул-йĕр тăвакан тата эксплуатацилекен техникăпа материала турттараканнисене;

 - федераци органĕн ĕç тăвакан власть саккунĕпе килĕшỹллĕн çар служби валли пăхса хăварнисене.