ЮЛАШКИ çулсенче Патăрьелĕнчи "Паттăр" физкультурăпа спорт комплексĕ çумĕнчи ачасемпе çамрăксен спорт шкулĕн хастарĕсем акватлон енĕпе тĕрлĕ шайри тупăшура çитĕнỹ хыççăн çитĕнỹ тăваççĕ. Хальхинче те Валерий Платоновпа Светлана Рубцова тренерсем ертсе пыракан спортсменсем Дзержинск хулинче иртнĕ Чулхула облаçĕн кубокне çĕнсе илессишĕн пынă ăмăртуран пысăк хавхаланупа таврăннă. Пирĕн спортсменсем пьедесталăн кашни картлашки çинех тăма тивĕçнĕ. Хăйсен ушкăнĕнче Азалия Салихова пĕрремĕш, София Яковлева иккĕмĕш, Дина Хафизова виççĕмĕш вырăнсене йышăннă.