Туçари вăтам шкулăн 9-11 класĕсенче вĕренекенсем республикăри чикĕ хỹтĕлевçисен обшествин Патăрьел муниципалитет округĕнчи "Пограничное братство" уйрăмĕн А.Быков, Н.Тинюков, А.Мулюков ветеран-пограничникĕсемпе тата çак шкулта пĕлỹ пухнă, халĕ Краснодарти аслă çар училищин курсанчĕпе тĕл пулу ирттерчĕç.

Хăнасем пурнăçра професси суйласа илес ыйтăва хускатрĕç, çар пурнăçĕпе паллаштарчĕç. Конституци тивĕçне пурнăçлама хатĕрленекенсене кирлĕ сĕнỹсем пачĕç. А.Быков Патăрьел муниципалитет округĕнчи "Пограничное братство" уйрăмĕ мĕнле йĕркеленсе кайнипе паллаштарчĕ.

Çирĕп те тĕреклĕ хул-çурăмлă пулас тесен спортпа туслă пулмаллине, тăван çĕршыва юратмаллине, тус-юлташа хисеплемеллине палăртрĕç. Çавăн чухне умри йывăрлăхсене çĕнтерме пулатех.

А. КАПИТОНОВА