ЮЛАШКИ вăхăтра МИХ хатĕрĕсенче çĕршывра та, республикăра та ОРВИпе тата гриппа чирлекенсем йышланнине пĕлтереççĕ. Çанталăк сивĕтнĕ май районта та çак чирсемпе аптракансем йышланнă. Республикипе илес пулсан ытларах Шупашкарта, Канашра, Çĕнĕ Шупашкарта, Çĕрпỹ, Вăрмар районĕсенче чир серепине çакланакансем йышлине çыраççĕ. Патăрьелсем хальлĕхе çак списокра çук-ха. Çапах та çакă сыхăлăха чакарма хушмасть. Ку чухне çынсен куçăмĕ çав тери пысăк. Çавăнпа та грипп е ОРВИ вирусĕ пурне те çакланма пултарать. Хальхи вăхăтра унтан асăрханас тĕллевпе чăн малтанах уçă сывлăшра ытларах пулмалла, витаминлă апат çимелле, хусканусем тумалла тата ытти те.