РФ ШĔМĕн районсем хушшинчи "Батыревский" уйрăмĕн ГИБДД пайĕ республикăри операцисене хутшăннипе пĕрлех район шайĕнче те çул-йĕр çинче пулакан инкек-синкеке чакарас, çынсен сывлăхне сыхлас тĕллевпе ятарлă хушма мероприятисем ирттерет. Паянхи "Пешеход. Пешеходный переход" операци те çак сăлтавпах çыхăннă. Мĕншĕн тесен аварисен сăлтавĕсенчен пĕри - çынсем çул урлă ятарлă вырăнтан каçманни, çирĕп йĕркене пăхăнманни.

Ноябрĕн 14-20-мĕшĕсенче республикăра "21 - БЕЗ ДТП" акци пырать. Çул çинче пулакан инкексене чакарас, аваринче вилекенсене асра тытас, çул-йĕр правилисене пăхăнас тĕллевпе йĕркеленĕ акцие пирĕн районти шкул ачисем те хутшăнаççĕ, тĕрлĕрен мероприяти ирттереççĕ, çул-йĕр инспекторĕсемпе тĕл пулаççĕ.