ПАЯН православи календарĕпе аслă праçниксенчен пĕри - Пукрав (Покров Пресвятой Богородицы) кунĕ. Ватăсем мĕн ĕлĕкех çак кун мĕнле пулнине сăнанă, унпа пурнăçра усă курнă. Пукравра çанталăк мĕнле пулать, хĕлĕпе çавăн майлă тăрать; çил кунĕпе çурçĕр енчен вĕрсен хĕлле сивĕ, кăнтăртан вĕрсен ăшă пулать; юр çусан вара пĕр уйăхран хĕл те ларма пултарать тата ытти те.

Аслă çулхи çынсем сăнанă тепĕр пулăма та асăнса хăварас килет. Çак кун иртсен хĕле хатĕрленсе кил-çуртри мĕн пур шăтăк-çурăка ăшă тарасран хупланă, питĕрнĕ.