Сентябрĕн 19-мĕшĕнче Чăваш Республикин "PRофи-21" професси ăсталăхĕн конкурсĕ пуçланчĕ. Сăмах май каласан, вăл иккĕмĕш хут иртет.

Унта патшалăх влаç органĕсенче обществонноçпа çыхăну йĕркелес енĕпе ĕçлекен специалистсем, массăллă информаци хатĕрĕсен представителĕсем, студентсем, 10-11-мĕш классенче вĕренекенсем, медиаклубсен, медиацентрсен тата медиастудисен членĕсем хутшăнма пултараççĕ.

Заявка йышăннă тапхăрта тĕрлĕ ĕç пурнăçламалла: конкурс сайтĕнче анкета тултармалла, видеосалам, прооект презентацине вырнаçтартармалла, тест ыйтăвĕсене хуравламалла.

Заявкăсене ноябрĕн 6-мĕшĕччен йышăнаççĕ. Конкурсăн куçăн тапхăрĕ тата финалĕ декабрь уйăхĕнче пуçланать.

А. ИВАНОВ