ÇАК ятпа республикăра Шупашкар тата Чăваш Митрополичĕ Савватий пиллĕхĕпе тухса тăракан "Ырă хыпар" журналăн çĕнĕ кăларăмĕнче пирĕн ентешĕмĕрĕн, Шупашкарти "Овит" пĕрлешĕвĕн техника директорĕн Вениамин Николаевич Остроумовăн ырă та сăваплă ĕçĕсем пирки çырса кăтартнă. Çак кунсенче Республика Пуçлăхĕ Олег Николаев çар ретне хăйсен ирĕкĕпе тăнă "Атăл" батальона пулăшакансене Хисеп грамотисемпе тата Тав çырăвĕсемпе саламланă. Батальон йĕркеллĕ аталантăр, çĕршывра килĕшỹ çеç хуçалантăр тесе тăрăшакансем хушшинче Çăл Атăк хастарĕ В. Остроумов та пур. Статьяра унăн ытти сăваплă ĕçĕсем пирки те тĕплĕн çырса кăтартнă.